- هدا واحد المقدم، مشى يخطب واحد البنت، سولوه: شحال كتخلص في الشهر، قال: أنا والقايد تنربحو 100 ألف ريال في الشهر
- هدا واحد مات مقوس، الناس معرفوش كيف يدفنوه، واحد السكيري قال ليهم دفنوه في الدورة ديال راس الدرب
- هدي واحد المراة كتشك في راجلها، واحد اليوم لقات شعرة شهبة ،قالت ليه : شكون هاد الشهبة اللي كنتي معاها، واحد اليوم لقات شعرة حرشة ،قالت ليه:شكون هاد العزوة اللي كنتي معاها،واحد اليوم ملقات حتى شعرة ،قالت ليه : شكون هاد القرعةاللي كنتي معاها.
- هدا واحدمول الطاكسي، صباطو خانز، سولو الكليان ديالو، شحال من حصان في الموطور ديال الطاكسي، قال ليه: عشرة ديال الخيل، جاوبو لكليان : يمكن مات ليك شي واحد منهم
- عروبي شرا بورطابل دارو فجيبو واحد الوقت بدا يفيبري لاحو قال ولد الحرام باعو ليا حي
- هادي واحد الدجاجة علقت صورة فيها بيضة فصدرها
او فاش سولتها صحبتها علاش قالت ليها هاذي صورتي منن كنت صغيرة.
- استاد ديما تيسول التلاميذ ...باش تعشيتو... واحد ديما كيجاوبو بالبيصارة ... واحد نهار قال ليه الا قلتي البيصارة مرا خرا نضربك... دري قالها لمو... مو قالت ليه مني يسولك رد عليه بالبسطيلة... الغد الاستاذ سول الدري... الدري قال ليه بالبسطيلة... سولو شحال ... قال ليه جوج زلافات
- واحد كيقول لصاحبه : شفتي هاديك المرة اللي واقفة هناك راه كاتضرب راجلها
يوميا بالسباط !! .قال له :وكيفاش عرفتي؟؟رد : راها مراتي
الخميس مارس 26, 2009 11:04 am
